Бұл мақалада бастауыш сынып оқушыларының цифрлық құзыреттілігін қалыптастыруға қажетті мазмұн, құрылым және педагогикалық шарттар ғылыми тұрғыда негізделген. Ақпарат-тық технологиялардың жедел дамуы білім беру жүйесіне айтарлықтай әсер етіп, оқушылардың цифрлық сауаттылығын дамыту мен оларды цифрлық ортада тиімді әрекет етуге үйрету өзекті міндетке айналды. Зерттеудің негізгі мақсаты – бастауыш мектеп деңгейінде цифрлық құзырет-тіліктің құрылымдық компоненттерін нақтылау және оны қалыптастырудың педагогикалық шарттарын анықтау. Зерттеу барысында отандық және шетелдік ғылыми еңбектерге салыстыр-малы талдау жүргізіліп, бақылау және тәжірибелік топтардың қатысуымен эксперименттік жұмыс жүзеге асырылды. Автор цифрлық құзыреттіліктің негізгі құрамдас бөліктерін айқын-дайды: ақпараттық, коммуникативтік, техникалық және этикалық-құқықтық сауаттылық. Финляндия, Эстония, Сингапур және Оңтүстік Корея секілді елдердің тәжірибесіне сүйене оты-рып, цифрлық дағдыларды дамытуға бағытталған халықаралық үлгілер мен тәсілдер қарасты-рылған. Зерттеу нәтижелері бойынша цифрлық құзыреттілікті дамытуға ықпал ететін бірқатар педагогикалық шарттар айқындалды: ақпараттық-коммуникациялық технологияларды жүйелі пайдалану, пәнаралық ықпалдастық, жас ерекшелігіне сай тапсырмаларды бейімдеу, сондай-ақ цифрлық этика мен қауіпсіздік мәдениетін қалыптастыру. Тиімді құралдардың қатарында ойын технологиялары, STEM/STEAM элементтері және цифрлық портфолио әдістері ұсынылады. Алынған деректер аталған тәсілдердің тиімділігін дәлелдеп, нәтижелерді білім беру бағдарла-маларын жетілдіруде және мұғалімдерді даярлау тәжірибесінде пайдалануға мүмкіндік береді.