Мақалада студенттердің жоғары оқу орнында гибридті оқытуды ұйымдастыруға қанағаттану деңгейін зерттеудің нәтижелері келтірілген. Гибридті оқыту форматы біртіндеп жоғары білім беру процесінің негізгі модельдерінің біріне айналуда. Зерттеуге «Бастауыш білім беру педагогикасы мен әдістемесі» бағдарламасының әртүрлі курстарында оқитын 326 студент қатыстырылды. Талдау ең типтік қиындықтарды көрсетті: сабақ кезінде тұрақсыз интернет байланысы мен кедергілер, сондай-ақ аудиториядан тыс практикалық тапсырмаларды орындаудағы қиындықтар. Осылайша, анықталған кедергілер техникалық ақаулармен қатар оқытушылар мен студенттер арасындағы кері байланыстың жеткіліксіздігінен туындайтыны белгілі болды.